Si Class President nakapasar sa ECE Board

Si Engineer Ryan Aguilar, an Valedictorian kan batch, naka-pasa sa Electronic and Communications Engineering (ECE) Licensure Examination na ginibo kan naka-aging Noviembre 2004. Siya naggraduar kan Marso 2004 sa Ateneo de Naga na sarong Cum Laude. Tinapos niya an kursong Bachelor of Science in Electronics and Communications Engineering.

An Batch nag-elihir ofisyales sa enot na pagkakataon

Matapos an 4th Grand Alumni Homecoming kun sain an satong batch naguno an ika-duwang premyo para sa Best Gimmick, an batch nag-elihir nin pinaka-enot na ofisyales sa Post Christmas party sa residencia ni Melvin Nicolas kan Friday sa Pangpang, Canaman.

An bagong elihidong ofisyales sinda Irvin Sto. Tomas, Mario Delos Santos, Jaime "Jojo" Manalo III, asin Ophelia "Tang-Tang" Morata bilang Presidente, Vice-Presidente, Secretario, asin Tesorero, pasunod-sunod. Pitong iba pa an pighirang bilang mga Representante. Si Venus Balmeo pighirang para sa Dinaga, Melvin Nicolas para sa Pang-pang, Gregorio Alano para sa Sta. Cruz, Norlie Portuguez para sa Sta. Teresita-Poro, Allan Penillos para sa Talidtid, Jojo Manalo III para sa Tibgao, asin Mario Delos Santos para sa Baras.

Biente-otsong (28) miembros kan batch an nag-atendir.